Song til Bud 1

Update Required To play the media you will need to either update your browser to a recent version or update your Flash plugin.

Bygd: Bud
Kommune: Hustadvika
Tekst: Kalset
Melodi: Lugn vilar sjøn
Kjelde: Kyrkjelydane på Hustadvika s. 7

Lærar Kalset ved Tina Gjerde

Du hav du rullar som du brukar

som gamalt inn mot gråsteinstrand.

Her inn mot Bud du framleis krusar

:/: ei sjøgrøn livd for båt og havn :/:

Den første som deg fekk og skoda,

det var ein mann som dreiv iland.

Ei skute knust mot flu og båar.

:/: Du vart den einaste på strand :/:

Ei venleg strand det her deg møtte,

med furuskog til fjæresand.

Og Hjorten såg på deg som noko

:/: som kom dit inn, og gild deg fann :/:

Tusen år det burt hev runne,

og brann hev herja skogen ned.

Og slekt som bygdes opp hev talmast

:/: og lagt i grav på ukjendt sted :/:

Bud påny seg opp att reiste.

Det var ein mann som søkte hamn.

Det var ein med viv og ungar

:/: som søkte inn til gråsteins-strand :/:

Han fann ein boplass der han skyna

at folk frå før av hadde budt.

Og eld av stål han der fekk skipa,

:/: det aldri meir i Bud tek slutt :/:

Dei slo seg til og slekta blandast

med folk der lenger inn på land.

Og skutor nord og sørfrå hadde,

:/: ei rettvis leid frå denne strand :/:

Tida gjekk og Bud det vaks seg til

fiskevær, og tingstad her.

Og folk frå ymse stader reiste,

:/: og fekk seg hugnadsstunder her :/: