Eresfjord

Update Required To play the media you will need to either update your browser to a recent version or update your Flash plugin.

Bygd: Eresfjorden
Kommune: Nesset
Tekst: Stenbro, Astrid
Melodi: Blandt alle lande/ H. Matthison-Hansen
Kjelde: Viser, songar og dikt frå Eresfjord og Eikesdal / Red. Bersvein Leirvoll. - s. 13

Blandt fagre blomar i sør og nord

det blømer fagrast i Eresfjord

dit som i tankar

eg tittar vankar

enn nokon trur.

Der hev eg heime - der er den stad

eg høgst i livet må halda tå

for ungdomstida

vert aldri sia

kva der ho var.

Vinter, sumar og haust og vår -

dit heim dei fagraste draumar går.

Der er den stengsla

som fast meg fengsla

på denne jord.

I vide verda du vener finn

som gjerne trøystar eit såra sinn.

Dei gjer sitt beste

dei aller fleste

og gjer deg glad.

Og gleda finn du so mang ein kveld.

Men når du einsam i tankar fell

då kan det hende

du ser attende

kor tomt det er.

Ja, sikkert djupt i ditt eige sinn

du same higande lengsel finn

når du åleine

i kvelden seine

er langt frå heime.

Ei helsing sender eg so tilslutt

åt kvar ei jente og kvar ein gut

åt ungdomsvenner

som vel eg kjenner

og tenkjer på.