Minnesmerke

Som du vil sjå har vi lagt ut det vi har av innsamla minnesmerke til no

Dette er eit av spørsmåla vi har sendt ut til medlemmene i år. Når snøen er borte og tilhøva for fotografering blir betre, håper vi det kjem inn fleire bidrag. Det vi har lagt ut til no er langt frå fullstendig. Det kan og mangle opplysingar, men vi arbeider kontinuerleg og prøver å skaffe så gode opplysningar som råd er. Vi set pris på om du sender oss tilleggsopplysingar til det som er lagt ut, eller om du sender inn bilde av nye minnesmerke.
Du kan sortere alfabetisk innanfor dei ulike felta ved å klikke på pilene over kvar kolonne.

Publisert 2. mars 2016

Siste nytt

jY3Bqovb.jpeg
30. mai 2019

Kongens fortenestemedalje til Bjørn Austigard

Vår kjære styreleiar sidan 1984 er tildelt Kongens fortenestemedalje. Han fekk medaljen overlevert av Moldes ordførar ved ei høgtideleg tilstelling på Romsdalsmuseet den 29. mai 2019. Bjørn får medaljen for sitt omfattande arbeid med lokalhistorie både som tilsett ved Romsdalsmuseet og som leiar for Romsdal sogelag. Det vart lagt stor vekt på hans omfattande produksjon av lokalhistorie og hans innsats for formidling av lokalhistoria.
8. mars 2019

Årsmøte 6. mars 2019

Årsmøtet vart halde på Gildehallen der ca. 40 medlemmer møtte. Etter årsmøtet var det musikkinnslag av elevar frå Molde musikkskole og ein svært interessant presentasjon av prosjektet som Nesset historielag har, der dei videointervjuar eldre folk frå kommunen. Vala på årsmøtet var stort sett attval, med det viktige unntaket at Rolf Strand går av som redaktør av helsemessige årsaker. Randi Ingunn Selnes kjem inn i staden. Resultatet av valet og konstitueringa av styret er ført opp nedanfor.
Gjensidige.jpg
28. okt. 2018

Bok om kyrkjene i Romsdal

Vi planlegg å gje ut ei bok med omtale av alle kyrkjene i Romsdal. Max Ingar Mørk er engasjert som forfattar. Vi tek sikte på at boka kjem ut i 2021.
 
Takk til @Gjensidige Forsikring Nordmøre og Romsdal som gjennom Dugnadsløftet har gitt oss støtte til "Kyrkjene i Romsdal"
24. sep. 2018

Årsskrift 2018

Årsskrift 2018 har over 30 artiklar frå heile Romsdal.
Boka er på 348 sider. .
Det lønner seg å vere medlem. Då får du boka direkte i postkassa!
Kontakttelefon: 976 61 964

 

> NYHETSARKIV