Tur til Midsund for folk i Nesset
Tur til Midsund for folk i Nesset
I 2020 går Nesset, Molde og Midsund saman til ein kommune. For at folk i Nesset skal bli betre kjent i Midsund arrangerer Romsdal sogelag – med støtte frå «Bli kjent-fondet» – ein tur til det som blir «vestre bydelar» i Nye Molde kommune.
Opplegget er slik: Start ved busshaldeplassen ved Coop Extra, Eidsvåg, onsdag 20. juni kl. 09.30. Bussen går om Ranvika, Nesjestranda, Molde sentrum, Mordalsvågen, Solholmen, Otrøy kyrkje til Midsund sentrum. Middag med dessert og kaffe. Etter omvising går turen, med Nils Edvin Sanden som guide, rundt Midøya og Dryna og vidare om sentrum, Nord-Heggdal, Solholmen og attende til Eidsvåg ca. kl. 17.00. Kjentmann på turen er Bjørn Austigard. Det er plass til 44 personar.
Turen er open for alle som bur i Nesset. Siste frist for påmelding14. juni.
Påmelding: Turid Leirvoll Øverås, Nesset kommune, tlf.: 952 06 213, epost: turid.overas@nesset.kommune.no
Pris: kr 450,- som skal betalast til konto 3980 25 17495
Siste nytt
Skrivekurs
Invitasjon frå Haram historielag. Åpne bildet i ny fane, så blir det meir lesbart.
Nye melodiar til bygdesongar
Komponisten Guttorm R. Ullvund har laga ei mengd nye melodiar til dikt som vi ikkje har funne melodiar til tidlegare. Alle melodiane er enkle, lettsungne og fengande. Han har fått hjelp til å arrangere songane av Arnold Farstad. Notar og lydfiler til desse nye songane finnst no under fana Bygdesongar : Lilja, Naar sommeren kommer (Bergsviksetra), Ein vårmorgon på Veøya, Mardalsfossen 1-2, Aandalsnes, Finnøy, På Tiltereidet og Sommar i Eikesdal. Spesielt vil vi nemne det storfelte hyllingsdiktet til Romsdal, Lilja, som Ingvald Raknem skreiv i 1932. Her er noko å tenke på for arrangørar av 17. mai-tilstellingar!
Det datt ned ein binders
Sogelaget har tidlegare gjeve ut Eirik Moens underfundige kåseri, både som trykt bok og som lydbok på kassett. No har vi fått digitalisert lydboka der Eirik Moen les sine eigne tekster, og gjort den tilgjengeleg her på heimesida vår. Du finn den under fana Tekster, eller her: https://www.romsdal-sogelag.no/tekster Lydfilene ligg ordna slik teksten står i den trykte boka, 55 kåseri i alt. Boka kan framleis kjøpast, kr 100.
Årsmøte 2024
Årsmøtet blei halde på Krona, Romsdalsmuseet med svert god deltaking og god stemning. Dei viktigaste vala var samrøystes med dette resultatet:
Leiar: Bjørn Austigard (attval for 1 år)
Styremedlemmer: Soveig Flemmen (attval for 2 år) og Kenneth Staurset Fåne (ny, for 2 år. Per Arnt Harnes og Mads Langnes var ikkje på val.
Redaktørar: Per Arnt Harnes, Dag Skarstein og Turid Leirvoll Øverås (alle attvalde for 1 år).
