PARELIUS-SEMINARET

Dette er eit fag-seminar som Romsdal sogelag arrangerer kvart vår. Fagfolk blir engasjert til å halde 3-4 foredrag om eit tema/emne. Deltakaravgifta er rimeleg fordi storparten av reise- og honorarutgiftene til foredragshaldaren blir dekte av Margit og Morten Parelius' minnefond. Parelius-seminaret er derfor fellesnamnet på dette tiltaket.

Første året det vart arrangert var i 1996 og sidan har det vore årvisst med 35-60 deltakarar frå heile Møre og Romsdal.
Emna som har vore tatt opp til no, er desse:

• 1996: Amtmannsarkivet for Romsdals Amt v/ Elin Jacobsen
• 1997: Eldre kommunale arkiv v/ Ingrid Synnøve Rian
• 1998: Bygdebokarbeid v/ Mads Ramstad, Harry Hestad og Jostein Sande
• 1999: Utvandring v/ Rasmus Sunde og Rolf Strand
• 2000: Romsdalsdialekten – kva veg tek han? v/ Helge Sandøy og Dagrun Gjelsvik Austigard
• 2001: Stadnamn i skrift og tale v/ Ola Stemshaug
• 2002: Kvinnehistorie v/ Sølvi Sogner
• 2003: Det offentlege helsestell 400 år
• 2004: Arkiv i Møre og Romsdal
• 2005: Jordskifte og hamskifte på 1800-talet v/Ola Svein Stugu og Mads Langnes
• 2006: Folkemusikkarkivet for Møre og Romsdal v/Frode F. Birkeland
• 2007: Landslaget for lokalhistorie v/Kurt Tverli og Jostein Molde
• 2008: Skifte som kilde i lokalhistoria v/Jonny Lyngstad
• 2009: Digitalarkivet – arkivmateriale som kjelde til fortida v/Yngve Nedrebø
• 2010: Elektrisitet og andre energiformer v/Tore Witsø og Bjørn Austigard